ABOUT
Comissão Nacional de Aprovisionamento ou CNA harii iha 30 Marsu 2011 ho Dekretu-Lei 14/2011 ne’ebé Estabelese Komisaun Nasional Aprovizionamentu ho Alterasaun ba Dekretu-Lei 10/2005. Iha tinan 2023, Dekreto-Lei ne’e mos altera ba Dekretu-Lei 22/2022 ne’ebe buka atu presta servisus aprovizionamentu ne’ebé di’ak liu ba ministérius ho entidades públikas sira-seluk relasiona ho projetus infra-estruturas boot no alkansa transparênsia total iha prosesus aprovizionamentu Estadu nian.
CNA simu knaar atu:
(a) Hala’o prosedimentus aprovizionamentu ho valor 1,000,000 ba leten;
(b) Hala’o prosedimentus aprovizionamentu ho valor to’o 1,000,000, tuir pedidu husi linhas ministeriais;
(c) Fó asistênsia téknika no asesoria ba prosedimentus aprovizionamentu ho valor osan to’o 1,000,000;
(d) Halo pareseres no rekomendasoens no elabora modelus no formulárius hodi uniformiza prosedimentu sira.
(e) Kria no mantein base dadus ne’ebe rejista abilitasaun no kualifikasaun ba kandidatus, konkorentes no adjudikatárius, no mos sira nia koima no sansaun ne’ebe aplika hare’e ba rejime kontraordenasional prevê iha lei;
(f) Promove formasaun ba rekursus umanus iha área aprovizionamentu nian.
(g) Hala’o prosesu kontraordenasional ne’ebe inklui iha diploma.
(h) Hala’o knaar seluk tuir lei permite.
CNA mos hala’o kontratus aprovizionamentu utiliza Fundu Infra-Estruturas la haree ba montante ka valor osan.
Wainhira ezerse nia funsoens no tarefas, katak knaar, ohin loron CNA implementa Dekretu-Lei 22/2022, 11 Maiu kona-ba Rejime Jurídiku Aprovizionamentu, Kontratus Públikus no Infrasaun. Lei ne’e estabelese regras kona-ba kontratasaun relasiona ho akizisaun ka kompra bens, servisus ou konstrusaun obras sivís ne’ebé presiza halo tuir rekizitus husi entidades diretas ou indiretas Governu nian.
Tanba ritmu kresimentu ekonomiku paíz nian ne’ebé lais, kapasidades Ministérius sira-nian atu implementa projetus ne’ebé reforsa ona, nesesidade atu kapasita kompanhias/empreiteirus lokais ho vontade atu desentraliza prosesu aprovizionamentu, maka, oras ne’e dadaun, legislador no tékniku sira ba aprovizionamentu hala’o estudu no diskusaun kona-ba proposta dekreto-lei foun. Proposta Dekretu-Lei ne’e buka atu asegura utilizasaun kriterioza, ekonómika no efisiente rekursus Governu nian liuhusi prosesu aprovizionamentu ida ne’ebé justu, transparente no la-deskriminatóriu.